ოზურგეთის მუნიციპალიტეტის დაბა ანასეულში გარემოსა და ბუნებრივი რესურსების დაცვის სამინისტროს ბირთვული და რადიაციული უსაფრთხოების წარმომადგენლები ჩაისა და სუბტროპიკული მცენარეების ყოფილი ინსტიტუტის ტერიტორიაზე იმყოფებოდნენ, სადაც რადიოაქტიური ნივთიერებებით დაბინძურებული ტერიტორიების შესახებ რეკომენდაციები გასცეს.
გასული საუკუნის 90-იან წლებში ინსტიტუტში სამეცნიერო მიზნებით რადიოაქტიური ნივთიერებები გამოიყენებოდა, რამდენიმე ვანდალური აქტის შემდეგ მიმდებარე ტერიტორიაზე რადიოაქტიური ლაქები წარმოიქმნა.
ბირთვული და რადიაციული უსაფრთხოების წარმომადგენლებმა რადიოაქტიური ნარჩენებით დაბინძურებული ტერიტორიის კვლევებისა და მონიტორინგის შედეგად დაბინძურებული ნიადაგის ლოკალიზება და გამოსხივების მინიმუმამდე დაყვანა განახორციელეს.
სპეციალისტების რეკომენდაციების შედეგად ოზურგეთის მუნიციპალიტეტის წარმომადგენლების მიერ ტერიტორია შემოისაზღვრა და მოინიშნა რადიაციული საფრთხის ნიშნებით.