#სპორტი
19 ნოემბერს, ზაზა ფაჩულიას "გოლდენ სტეიტმა" ბოსტონში "სელტიქსი" 104:88 დაამარცხა. ფაჩულიამ მოედანზე 21 წუთი გაატარა. ამ დროში ქართველი ცენტრი საკმაოდ პროდუქტიული გახლდათ და ორივე გუნდის შემადგენლობაში ყველაზე მეტი მოხსნა მიითვალა, რაც მისთვის მიმდინარე სეზონის პირადი რეკორდია.
შეხვედრის მესამე მეოთხედში ზაზამ ორქულიანი ჩააგდო, რის შემდეგაც სტეფ კარის სტილში ცეკვა შემოგვთავაზა.
შეხვედრის დასრულების შემდეგ ჟურნალისტებმა კლეი ტომპსონსა და კევინ დურანტს ზაზას ცეკვის შეფასება სთხოვეს.
კლეი ტომფსონი: "ეს საშინლად ცუდი იყო. ზაზა საჯარიმოებს ძალიან კარგად ასრულებს, ასევე, საშუალოს ბრწყინვალედ ისვრის. იმედი მაქვს, მთელი სეზონის განმავლობაში ასე გაგრძელდება."
კევინ დურანტი: "ეს საშინელება იყო, ჩვენ ამაზე ვისაუბრეთ."