ქართული ღვინის ისტორიაში პირველად, ჩინეთის ბაზარზე კომპანია "ბადაგონის“ 5 მილიონი ბოთლი ღვინის რეალიზაცია განხორციელდება, - შესაბამისი მემორანდუმი, კომპანიასა და ჩინურ კორპორაციას შორის სოფელ ხოდაშენში, "ბადაგონის" ღვინის ქარხანაში გაფორმდა. ცერემონიას საქართველოს პრემიერ-მინისტრი სოფლის მეურნეობის მინისტრთან ერთად დაესწრო. პრემიერის თქმით, მეღვინეობის ხელშეწყობა მთავრობის პრიორიტეტია. გიორგი კვირიკაშვილის განცხადებითვე, 2012 წლიდან დაიწყო რთველის ხელშეწყობის სახელმწიფო პროგრამა, სუბსიდირებისა და აგროსესხების მიმართულებით.