იტალიის პრემიერმინისტრი თანამდებობიდან გადადგა. მატეო რენცის პოსტიდან წასვლის მიზეზი რეფერენდუმში დამარცხება გახდა, სადაც მისი ინიციატივით სენატის რეფორმირების შესახებ საკითხი იყო გატანილი. თუმცა მოქალაქეთა 60-მა პროცენტმა პრემიერის ინიციატივას მხარი არ დაუჭირა, რის შემდეგაც მატეო რენცი იძულებული გახდა, დაპირებისამებრ პოსტი დაეტოვებინა.

ახლა პრემიერის სავარძელი შესაძლოა მოქმედმა ფინანსთა მინისტრმა პიერ კარლო პადოანმა დაიკავოს, რომელსაც იტალიური მედია აქტიურად განიხილავს ბოლო პერიოდში.