პარლამენტის განათლების კომიტეტში, თბილისის სახელმწიფო უნივერსიტეტის სტუდენტებთან შეხვედრა დასრულდა.
„აუდიტორია 115-ას" და თვითმმართველობის წარმომადგენლებს კომიტეტის წევრები ორი საათის განმავლობაში უსმენდნენ.
შეხვედრის დასრულების შემდეგ მარიამ ჯაშმა განაცხადა, რომ დიალოგი კონსტრუქციულ რეჟიმში გადავიდა.
კომიტეტის თავმჯდომარემ სტუდენტებს სპეციალური კითხვარი გადასცა, რომელიც ორი კვირის განმავლობაში უნდა დამუშავდეს და სტუდენტებმა თავიანთი ხედვები წარმოადგინონ უმაღლესი განათლების შესახებ კანონში შესატან ცვლილებებთან დაკავშირებით.
„აუდიტორია 115-ის" წევრებს ჯერ არ გადაუწყვეტიათ შეწყვეტენ თუ არა პროტესტს და დატოვებენ თუ არა ისინი მეექვსე კორპუსს.
რაც ეხებათ თვითმმართველობის წარმომადგენლებს, ისინი დიალოგისთვის მზად არიან.