ტურიზმისთვის მნიშვნელოვანი პროფესიული უნარები და მათი გაუმჯობესების მიზნით დაგეგმილი სამომავლო ნაბიჯები - ამ სახელწოდებით გერმანიის საერთაშორისო თანამშრომლობის საზოგადოების ინიციატივით, ევროპული პროფესიული უნარების კვირეული მიმდინარეობს.

სამთავრობო უწყებების წარმომადგენლებმა კერძო სექტორს, ხარისხის განვითარების კუთხით განხორციელებული ღონისძიებები და სამომავლო გეგმები გააცნეს.

ტურიზმის ადმინისტრაციის ცნობით, 2015 წელს ტურიზმის ბიზნესში ჩართული ათას 100 ადამიანი გადამზადდა, 2016 წელს კი გადამზადებულთა რაოდენობამ ათას 270 შეადგინა.