ბიზნესსექტორში დასაქმებულთა რაოდენობა 7 პროცენტით გაიზარდა - ინფორმაციას „საქსტატი“ ავრცელებს. ოფიციალური სტატისტიკით, სექტორის ბრუნვა წლიურად 11,9% გაიზარდა და 15,5 მილიარდი ლარი შეადგინა.

ზრდის ტენდენციით ხასიათდება ბიზნესსექტორის პროდუქციის გამოშვების მაჩვენებელიც. 2016 წლის მესამე კვარტალში, მისი მოცულობა 8,2 მილიარდი ლარით განისაზღვრა, რაც 15,8%-ით აღემატება გასული წლის შესაბამისი პერიდის მაჩვენებელს. 2016 წლის მესამე კვარტალში, მსხვილ ბიზნესზე მთლიანი ბრუნვის 80% მოდის.

რაც შეეხება დასაქმებას, დასაქმებულთა საშუალო რაოდენობამ 606 ათასი კაცი შეადგინა, რაც გასული წლის შესაბამისი პერიოდის მაჩვენებელს 6,6%-ით აღემატება.