პოლიტიკური კრიზისი ოკუპირებულ აფხაზეთში. დე ფაქტო სოხუმის ლიდერის კრემლში ვიზიტის შემდეგ, სოჭში ე.წ. ოპოზიციის ლიდერს ასლან ბჟანიას აკავებენ.
ბჟანია, ხაჯიმბას მოსკოვში ვიზიტამდე ორი დღით ადრე მის უპირობო გადადგომას ითხოვდა და აქციებით იმუქრებოდა. პუტინმა ხაჯიმბასთან შეხვედრისას ეს საკითხი ღიად განიხილა და სოხუმის დე ფაქტო ლიდერს მდგომარეობის დასტაბილურებისკენ მოუწოდა.
ცნობილი გახდა, რომ ასლან ბჟანია იარაღის უკანონო შენახვის ბრალდებით რუსეთის ტერიტორიაზე დააკვეს. მასთან ადგილობრივი მედიის წარმომადგენელთა მიერ ჩაწერილი სატელეფონო საუბრისას, ბჟანია მის დაკავებას პოლიტიკურ მოტივს უკავშირებს, იარაღი კი, რომლის გამოც დააკავეს მისი თქმით, ე.წ. პრეზიდენტმა თავად აჩუქა.
ბჟანიას გათავისუფლების მოთხოვნით ტამიშთან აქცია გაიმართა და გზა გადაიკეტა. ოკუპირებულ რეგიონში შიშობენ, რომ აქციები არეულობასა და დაპირისპირებაში გადაიზრდება.