უზენაესი სასამართლოს მიერ მიღებულ გადაწყვეტილებას, რომლის მიხედვითაც ზურაბ ჟვანიას საქმის სამედიცინო ექსპერტი ლევან ჩაჩუა უდანაშაულოა, გამოხმაურება მოჰყვა „ნაციონალურ მოძრაობაში".
ოთარ კახიძის მტკიცებით, დადგინდა, რომ ექსპრემიერის საქმეზე სასამართლო-სამედიცინო ექსპერტი უდანაშაულოა. მის მიერ შედგენილი დასკვნა კი სწორია.
„ნაციონალური მოძრაობა" „ქართული ოცნებას" ცილისმწამებლური პოლიტიკის გატარებაში ადანაშაულებს.
„ნაციონალური მოძრაობის" განცხადებას ზურაბ ჟვანიას ძმა გამოეხმაურა და პოლიტიკური სპეკულაცია უწოდა. მისი თქმით, ამ თემას ზურაბ ჟვანიას საქმესთან პირდაპირი კავშირი არ ჰქონია, რადგან სახელმწიფო ბრალდება ლევან ჩაჩუას სამსახურებრივ გულგრილობაში ედავებოდა.
გოგლა ჟვანიას თქმით, პროკურატურას ამ ფაქტის ამსახველი ვიდეომასალაც ჰქონდა. ის სასამართლოს გადაწყვეტილებას არ აფასებს, რადგან ამბობს, რომ არცერთ პროცესს არ დასწრებია.