2017 წლის სახელმწიფო ბიუჯეტის პროექტს დეპუტატები ხუთშაბათს ბიუროს სხდომაზე განიხილავენ.

საფინანსო-საბიუჯეტო კომიტეტის თავმჯდომარის განცხადებით, დოკუმენტში ძირითადი პრიორიტეტები ინფრასტრუქტურის, განათლებისა და ჯანდაცვის პროგრამებზე იქნება მიმართული.

მისივე განმარტებით, 2017 წელს, 2016 წელთან შედარებით, მილიარდ 270 მილიონი ლარით მეტი დაიხარჯება.

ოპოზიცია გაზრდილ ბიუროკრატიულ ხარჯებზე მიუთითებს. ,,ერთიან ნაციონალურ მოძრაობაში” აცხადებენ, რომ მომავალი წლის მთავარ საფინანსო დოკუმენტს მხარს არ დაუჭერენ.

2017 წლის ბიუჯეტის პროექტი 11 მილიარდ 500 მილიონია და ის პირველადი ვერსიის შემდეგ ერთი მილიარდით გაზრდილია. დოკუმენტს დეპუტატები კენჭს 14 დეკემბერს უყრიან.