ზოგიერთ ავტოგასამართ სადგურში ბენზინი გაძვირდა. ორმა მსხვილმა ნავთობ-იმპორტიორმა ყველა ტიპის საწვავზე ფასი 5 თეთრით გაზარდა. მიუხედავად ამისა, ბაზარზე მინიმალური ფასები ჯერჯერობით იგივე რჩება და ფასების ცვლილებას არ გეგმავენ სხვა კომპანიებში.

ოპტიმისტური პროგნოზის გაკეთება უჭირთ ნავთობიმპორტიორთა კავშირში, სადაც ფასის ზრდის მიზეზად, ნავთობის გაძვირებას და ლარის გაუფასურებას ასახელებენ.

მსხვილი კომპანიების გარდა, საწვავის ფასი ერთ ლიტრზე 5 თეთრით ზოგიერთ არაბრენდირებულ ბენზინგასამართ სადგურზეც გაძვირდა. ამ დროისთვის ბაზარზე არსებული ყველაზე მოთხოვნადი "ევრო რეგულარის" ფასი ლარი და 59 თეთრიდან, ლარი და 84 თეთრამდე მერყეობს.