ლიტვაში საქართველოს ყოფილი მაღალჩინოსანი დააკავეს. ანტიტერორისტული ცენტრის ყოფილი უფროსი ზურაბ მაისურაძე რუსეთის მოთხოვნის საფუძველზე დააკავეს.
რუსული საინფორმაციო საშუალებების ცნობით, რუსული მხარე მაისურაძეს ტერორისტულ საქმიანობაში მონაწილეობას ედავება, რის გამოც მასზე ინტერპოლის წითელი ცირკულარით საერთაშორისო ძებნა იყო გამოცხადებული.
სასამართლომ დაკავებულზე 10-დღიანი პატიმრობის სანქცია უკვე გასცა. ექსტრადირების საკითხი უახლოეს მომავალში გადაწყდება.
შეგახსენებთ, რომ ზურაბ მაისურაძის სახელი ლაფანყურის საქმეშიც ფიგურირებს. სახალხო დამცველი საპარლამენტო ანგარიშში წერს, რომ საქართველოში ჩეჩენი მებრძოლების ჩამოყვანის ორგანიზებას, სხვა მაღალი თანამდებობის პირებთან ერთად, ანტიტერორისტული ცენტრის უფროსიც ხელმძღვანელობდა.