საქართველოზე ისაუბრეს ნატოში. ალიანსის შტაბ-ბინაში საგარეო საქმეთა მინისტერიალი მიმდინარეობს. მიხეილ ჯანელიძე უკვე შეხვდა ორგანიზაციის გენერალური მდივნის ახალ მოადგილეს.
მხარეებმა უელსის სამიტზე მიღებული არსებითი პაკეტით გათვალისწინებულ ღონისძიებებზე ისაუბრეს. შეხვედრას ჯეიმს აპატურაიც ესწრებოდა.
მომავალ წელს საქართველო, ნატო-ს სამხედრო კომიტეტის გარდა, საპარლამენტო ასამბლეასაც უმასპინძლებს. ასევე 2017 წელს უმაღლეს დონეზე გაიმართება ნატო-საქართველოს კომისიის სხდომა თავდაცვის და ევროატლანტიკურ სტრუქტურებში ინტეგრაციის საკითხებში სახელმწიფო მინისტრების მონაწილეობით. განხილვის თემა წლიური ეროვნული პროგრამა იქნება.
დღესვე, მინისტერიალის ფარგლებში, საქართველოს საგარეო საქმეთა მინისტრი ესტონელ, ლიტველ და ბერძენ კოლეგებსაც ესაუბრა.