ევროპარლამენტის პრეზიდენტისთვის გაგზავნილი წერილი, რომელიც საქართველოს ვიზა-ლიბერალიზაციის კუთხით განსაკუთრებით იმედისმომცემია - ევროპული საბჭოს ხელმძღვანელი დონალდ ტუსკი მარტინ შულცს წერილს უგზავნის და ჩვენი ქვეყნისთვის და უკრაინისთვის უვიზო რეჟიმის ამოქმედების მნიშვნელობას ახსენებს.
საკითხის გადაწყვეტა ევროკავშირის სანდოობას და რეპუტაციას ეხება, - წერს ტუსკი და ხაზს უსვამს, რომ საქართველომ და უკრაინამ უვიზო რეჟიმის მისაღებად მტკივნეული რეფორმები გაატარეს.
,,ეს იქნება შეცდომა, თუ ყველა ძალისხმევას არ მივმართავთ ამ პროცესის დასასრულებლად. არ უნდა დავუშვათ, რომ ისინი, ვინც გვენდნენ, ჩვენი შიდა განხილვების მსხვერპლნი გახდნენ”, -ნათქვამია წერილში, რომელიც ქეთევან ქარდავამ ექსკლუზიურად მოიპოვა.
ტუსკი ევროპარლამენტს მოუწოდებს, რომ ბოლო, ანუ ე.წ. შეჩერების მექანიზმის განხილვის ეტაპზე განსაკუთრებით აქტიური იყოს.
რა რეაქციები მოჰყვა წერილს ევროკავშირის საგარეო საქმეთა მინისტრებისგან - ქეთევან ქარდავა დეტალებით.