2017 წლის სახელმწიფო ბიუჯეტის პროექტის განხილვა საკანონმდებლო ორგანოში ხვალიდან განახლდება.

საკითხზე დეპუტატები ბიუროს სხდომაზე იმსჯელებენ. ბიუროზე ქვეყნის მთავარი საფინანსო დოკუმენტის განხილვის ვადები და პროცედურები დამტკიცდება.

2017 წლის ბიუჯეტის პროექტი 11 მილიარდ 500 მილიონია და ის პირველადი ვერსიის შემდეგ, ერთი მილიარდით არის გაზრდილი.

დოკუმენტს დეპუტატები კენჭს 14 დეკემბერს პარლამენტის პლენარულ სხდომაზე უყრიან. უკვე ცნობილია, რომ ბიუჯეტის პროექტს „ერთიანი ნაციონალური მოძრაობა" მხარს არ დაუჭერს.