საქართველოს პრეზიდენტი სამუშაო ვიზიტით საფრანგეთს ეწვევა.
ვიზიტის ფარგლებში გიორგი მარგველაშვილი „პარტნიორობა ღია მმართველობის მეოთხე გლობალური სამიტის" მუშაობაში მიიღებს მონაწილეობას და სიტყვით გამოვა.
პრეზიდენტი ღია მმართველობის განსახორციელებლად, საქართველოს მიერ მიღწეულ შედეგებზე ისაუბრებს. სამიტის თანათავმჯდომარე ქვეყანა საქართველოა და ღონისძიება მომავალ წელს თბილისში ჩატარდება.
სამიტში 70 ქვეყნის 3 000 წარმომადგენელი მიიღებს მონაწილეობას. საფრანგეთში სამუშაო ვიზიტის ფარგლებში გიორგი მარგველაშვილი შეხვედრებს ქვეყნების ლიდერებთან, საერთაშორისო და არასამთავრობო სექტორის წარმომადგენლებთან გამართავს. ასევე, დაგეგმილია შეხვედრა საფრანგეთის რესპუბლიკის პარლამენტის ასამბლეის თავმჯდომარესთან კლოდ ბარტოლონესთან.