ლიტვაში დაკავებული ყოფილი ქართველი მაღალჩინოსანი ადგილობრივი სასამართლოს გადაწყვეტილებას ელის.

რუსეთი თუ საქართველო -10 დღეში გაირკვევა, რომელ ქვეყანას გადასცემს ზურაბ მაისურაძეს ოფიციალური ვილნიუსი.

ანტიტერორისტული ცენტრის ყოფილი დირექტორი ლიტველმა სამართალდამცავებმა რუსეთის მოთხოვნით აიყვანეს. რუსული მხარე მაისურაძეს ტერორისტულ საქმიანობაში ადანაშაულებს.

ექსმაღალჩინოსანს, რომელიც 2012 წელს ჩატარებული ლაფანყურის სპეცოპერაციის საქმეში აქტიურად ფიგურირებს, დღეს პანკისის ხეობის მცხოვრებლებიც იხსენებენ და გახმაურებულ ოპერაციაში მის მონაწილეობას ადასტურებენ.