სანიტარული ღონისძიებები ხორციელდება თბილისსა და მის შემოგარენში არსებულ ტყის მასივებში.

მერიის ინფორმაციით, მავნებლებით დაავადებული და გამხმარი ხეების მოჭრის სამუშაოები ამჟამად ბეთანიაში, ბეთანია-სამადლოს ცენტრალური გზის მიმდებარე ტყის მასივებში მიმდინარეობს.

ფიჭვნარ კორომებში უკვე მონიშნულია 15 ათასი გამხმარი და დაავადებული ხე, რომელთა მოჭრისა და გამოტანის სამუშაოებს ეკოლოგიისა და გამწვანების სამსახურის კონტრაქტორი კომპანია უზრუნველყოფს.

მიმდინარე წელს 55 ათასი ძირი დაზიანებული ხე-მცენარე მოინიშნა, საიდანაც 40 ათასი უკვე მოიჭრა.