მოსწავლეთა შეფასების საერთაშორისო პროგრამის უახლესი მონაცემებით, ქართველმა მოსწავლეებმა 2009 წელთან შედარებით უკეთესი შედეგი აჩვენეს როგორც საბუნებისმეტყველო საგნებში, ასევე წაკითხულის გააზრებასა და მათემატიკაში.

ამის მიუხედავად, ქართველი მოსწავლეების მიღწევები სამივე სფეროში საშუალო დონეზე მნიშვნელოვნად დაბალია.

ამ მაჩვენებლით, საქართველო მსოფლიოს 72 ქვეყანას შორის 62-ე ადგილზე გავიდა. კვლევის თანახმად, რომლის ფარგლებშიც 15 წლის მოსწავლეები გამოკითხეს, საქართველო დაბალი ქულების მქონე ქვეყნებს შორის რჩება.