საქართველოს პრეზიდენტი საფრანგეთში სამუშაო ვიზიტს განაგრძობს.
ურუგვაის პრეზიდენტთან შეხვედრის შემდეგ გიორგი მარგველაშვილი „პარტნიორობა ღია მმართველობის მეოთხე გლობალური სამიტის" მუშაობაში მიიღებს მონაწილეობას და სიტყვით გამოვა.
პრეზიდენტი ღია მმართველობის განსახორციელებლად საქართველოს მიერ მიღწეულ შედეგებზე ისაუბრებს. სამიტის თანათავმჯდომარე ქვეყანა საქართველოა და ღონისძიება მომავალ წელს თბილისში ჩატარდება.
სამიტში 70 ქვეყნის 3 000 წარმომადგენელი მიიღებს მონაწილეობას. ვიზიტის ფარგლებში გიორგი მარგველაშვილი შეხვედრებს ქვეყნების ლიდერებთან, საერთაშორისო და არასამთავრობო სექტორის წარმომადგენლებთან გამართავს.
პარიზში იმყოფებიან არასამთავრობო ორგანიზაციებისა და საქართველოს მთავრობის წამომადგენლებიც.