სამხრეთ კორეის პარლამენტმა პრეზიდენტის იმპიჩმენტის პროცედურები დაიწყო. ქვეყნის ლიდერის პარკ გი ჰეს იმპიჩმენტთან დაკავშირებით, კენჭისყრა უახლოეს 72 საათში უნდა ჩატარდეს.
გავრცელებული ცნობით, პარლამენტის შემადგენლობა იმპიჩმენტზე სხდომას 9 დეკემბერს გამართავს. დასავლური მედია წერს, რომ ოპოზიციას გამარჯვებისთვის საკმარისი რესურსები და არგუმენტები აქვს.
პარლამენტის მიერ იმპიჩმენტის გამოცხადების შემთხვევაში, პრეზიდენტის გადაყენებაზე ქვეყნის საკონსტიტუციო სასამართლო იმსჯელებს. შუალედურ პერიოდში კი პრეზიდენტის უფლებამოსილებას პრემიერ-მინისტრი შეასრულებს.
პრეზიდენტის წინააღმდეგ კორუფციული სკანდალი გასულ თვეში აგორდა. პრეზიდენტის თანაშემწეს არასამთავრობო ფონდების თანხების უკანონო განკარგვაში დასდეს ბრალი.