უკრაინა საერთაშორისო საზოგადოებას თხოვნით მიმართავს, 1932-1933 წლების "გოლოდომორი" უკრაინელი ხალხის გენოციდად აღიაროს.

შესაბამისი კანონპროექტი უკრაინის უმღლესმა რადამ მიიღო.

"დანაშაულებრივმა კომუნისტურმა ტოტალიტარულმა რეჟიმმა სურსათის ძალადობრივი წართმევის, სოფლებისა და მთელი რაიონების ბლოკადის, შიმშილით მოცული უკრაინიდან საზღვარგარეთ გასვლის აკრძალვით, სასოფლო-სამეურნეო ვაჭრობის შეზღუდვის, მოწინააღმდეგე პირების რეპრესიის გზით შეგნებულად შექმნა უკრაინელებისთვის ისეთი პირობები, რომლებიც მიმართული იყო მათი ფიზიკური განადგურებისკენ", - ნათქვამია რადას მიერ მიღებულ დოკუმენტში.

2015 წლის ნოემბერში უკრაინის დემოგრაფიისა და სოციალური კვლევების ინსტიტუტმა გამოაქვეყნა ანგარიში, რომლის თანახმადაც, უკრაინაში 1932-1934 წლებში შიმშილით 3,9 მილიონი ადამიანი, ანუ უკრაინის მოსახლეობის 13% დაიღუპა.

მკვლევარების მონაცემებით, სულ საბჭოთა კავშირში აღნიშნულ პერიოდში შიმშილით 8,7 მილიონი ადამიანი დაიღუპა.