ვარკეთილში, ჯავახეთის 68 ნომერში არსებულ ვითარებას კერძო ტერიტორიის მესაკუთრე, ლტოლვილთა სამინისტროსა და წყალმომარაგების კომპანიის წარმომადგენლები გაეცნენ.

ტერიტორიაზე უკვე წლებია იძულებით გადაადგილებული მოქალაქეები ცხოვრობენ. ფართის მესაკუთრე კომპანიამ კი მათ წყალმომარაგება შეუზღუდა.

30-მდე ოჯახს წყლის მომარაგება ახლა ეზოებიდან უწევთ. სოზარ სუბარის უწყების წარმომადგენელთა ინფორმაციით, კერძო მესაკუთრესა და წყალმომარაგების კომპანიას შორის მოლაპარაკებები მიმდინარეობს და თუკი დევნილები გრაფიკით წყლის მიწოდებას დათანხმდებიან, მათ წყალმომარაგება აღუდგებათ.