უამინდობის კიდევ ერთი, ამჯერად დადებითი შედეგი - ბაკურიანში, გუდაურში სვანეთსა და კურორტ "გოდერძიზე" სათხილამურო სეზონი ბოლო 20 წლის განმავლობაში ყველაზე ადრე, 10 დეკემბერს გაიხსნება - ამის შესახებ „მთის კურორტების განვითარების კომპანიის“ ხელმძღვანელმა ალექსანდრე ონოფრიშვილმა განაცხადა.
რაც შეეხება კურორტ თეთნულდს, სათხილამურო სეზონი აქ 24 დეკემბერს გაიხსნება, კოხტა-მიტარბზე კი 25 დეკემბერს.
ონოფრიშვილის ინფორმაციით, 2016 წელს სამთო-სათხილამურო კურორტებზე, პირველად, ერთდროულად აშენდა 9 ახალი საბაგირო - 3 საბაგირო თეთნულდზე, 3 მიტარბში და 3 ახალი საბაგირო შეემატა გუდაურს.
როგორც “მთის კურორტების განვითარების კომპანიაში" აცხადებენ, ბაკურიანი-მიტარბის კურორტი 30-წლიანი პუზის შემდეგ კვლავ მიიღებს ვიზიტორებს. პროექტი სახელმწიფოსა და კერძო სექტორის პარტნიორობით ხორციელდება.