14 ოპოზიციური პარტია საკანონმდებლო ორგანოში 200 ათასი ხელმოწერით შესული საკონსტიტუციო ცვლილებების პაკეტის კენჭისყრაზე დაყენებას ითხოვს.
კანონპრიექტი, რომელიც მაჟორიტარული სისტემის გაუქმებას და სამხარეო პროპორციულზე გადასვლას გულისხმობს პირველი მოსმენით უკვე განხილული აქვს მერვე მოწვევის პარლამენტს, დარჩენილია მხოლოდ კენჭისყრა, რასაც კვალიფიციური სუბიექტების საკოორდინაციო საბჭო ახლა მეცხრე მოწვევის დეპუტატებისგან მოითხოვს.
ოპოზიციურმა პარტიებმა პარალელურად უკვე დაიწყეს მუშაობა საკანონმდებლო ცვლილებათა პაკეტზე,, რომელიც თვითმმართველობის,საპარლამენტო და საპრეზიდენტო არჩევნებს უკავშირდება.
კვალიფიციურ პარტიებს დღეიდან 2 არაკვალიფიციური სუბიექტიც შეუერთდა. არასაპარლამენტო ოპოზიციას სურვილი აქვს საკონსტიტუციო კომისიის შექმნის შემდეგ ამ ფორმატშიც ჩაერთოს.