საოცრად ლამაზი გოლი საქართველოს მეორე ლიგაში. ზუსტი მაკრატელა დარტყმა შევარდენი 1906-ის ფეხბურთელმა, ნიკა მაისურაძემ შეასრულა.
მეორე ლიგის გარდამავალი ჩემპიონატის გ ზონის ბოლო ტურის შეხვედრა, "შევარდენი 1906"-სთვის საჩემპიონო იყო. შევარდენმა მეთექვმეტე ტურში "ავაზას" უმასპინძლა და მეტოქე გამანადგურებელი ანგარიშით 7:1 დაამარცხა.
გატანილ გოლებს შორის მაისურაძის გოლი გამორჩეულია, ნიკამ სწრაფი, ულამაზესი მაკრატელა დარტყმით საბოლოო ანგარიში დააფიქსირა.
41 ქულით "შევარდენი 1906" გ ზონის გამარჯვებული გახდა და მომავალი სეზონიდან ეროვნულ ლიგა 1-ში იასპარეზებს.
უყურეთ „სტარვიზიის“ ეთერში და უსმინეთ რადიო STAR FM-ზე, ყოველ ხუთშაბათს 21:30 საათზე, გადაცემას „აქტუალური თემა - სპორტი“.