არასამთავრობო ორგანიზაციას კულტურის მინისტრთან კითხვები აქვს. "ახალგაზრდა იურისტთა ასოციაციის" კვლევის მიხედვით, წარსულში მიხეილ გიორგაძის სახელზე დარეგისტრირებულ კერძო კომპანიას სახელმწიფოს წინაშე სოლიდური ვალი აქვს დაგროვილი.

საუბარია ,,ინთერნეიშენალ ივენტზე”, რომელსაც 9 წლის წინ ფილარმონიის დარბაზი 49-წლიანი იჯარით და 5-მილიონიანი ინვესტიციის განხორციელების ვალდებულებით გადაეცა.

საიას ეჭვი აქვს, რომ მითითებულ კომპანიაში გიორგაძის ინტერესები კვლავ იკვეთება. კვლევის გამოქვეყნების შემდეგ საპარლამენტო ოპოზიცია მინისტრს გადადგომისკენ მოუწოდებს.