სახალხო დამცველმა უჩა ნანუაშვილმა 2016 წლის ადამიანის უფლებათა და თავისუფლებათა დაცვის შესახებ ანგარიში წარადგინა.
დოკუმენტის მხიედვით, მთავარ გამოწვევად კვლავ პოლიციის მიერ დაკავებისას ჩადენილი არასათანადო მოპყრობის საკითხი რჩება.
დოკუმენტის მიხედვით, უმცირესობების უფლებების დაცვის კუთხით, კვლავ პრობლემებია. განსაკუთრებით საყურადღებოა როგორც ქალთა მიმართ ძალადობის მასშტაბები, ასევე სიძულვილით მოტივირებული დანაშაულებების რაოდენობა და ამ კონტექსტში უჩა ნანუაშვილმა რამდენიმე კვირის წინ ტრანსგენდერი ქალის გარდაცვალების ფაქტი დაასახელა.
კვლავ ერთ-ერთ სერიოზულ გამოწვევად რჩება ჩვილ ბავშვთა სიკვდილიანობა, ისევე როგორც, სიღარიბე და ძალადობა ბავშვთა მიმართ.
ანგარიშში ასევე აისახა ტელეკომპანია "რუსთავი 2 ის" ირგვლივ მიმდინარე მოვლენები. უფრო დეტალურად ამ საკითხების შესახებ სახალხო დამცველის საპარლამენტო ანგარიშში იქნება საუბარი.