სასამართლო რეფორმის მესამე ტალღის განსახორციელებლად განხილვები საქართველოს პარლამენტში უახლოეს პერიოდში დაიწყება, - ამის შესახებ პრემიერმინისტრმა გუშინ, ადამიანის უფლებათა საერთაშორისო დღესთან დაკავშირებით გამართულ მიღებაზე განაცხადა.

გიორგი კვირიკაშვილის განცხადებით, ფართო საზოგადოებაში უნდა შეიქმნას ძალიან მტკიცე აღქმა, რომ საქართველოში ადამიანის უფლებები დაცულია.

პრემიერმინისტრის თქმით, ბოლო ოთხი წლის განმავლობაში მთავრობის მიერ შემუშავებული კომპლექსური მიდგომა, პოლიტიკის დოკუმენტები და ინსტიტუციური მექანიზმები საუკეთესოდ ფასდება გაერო-ს სხვადასხვა ტრიბუნიდან.