თურქეთის პოლიციამ დაჯგუფება „ქურთების მუშათა პარტიასთან“ კავშირში ეჭვმიტანილი 235 პირი დააკავა.

ამის შესახებ ინფორმაციას ქვეყნის შინაგან საქმეთა სამინისტრო ავრცელებს.

დაკავებულთა შორისაა სახალხო დემოკრატიული პარტიის წარმომადგენელი, რომელიც ეროვნული უმცირესობების უფლებებს იცავს, მათ შორის ქურთების უფლებებსაც.

თურქეთის შსს-ს ცნობით, დაკავების ოპერაცია 11 პროვინციაში განხორციელდა.

დაკავებულებს ბრალს დებენ ტერორისტული დაჯგუფების პროპაგანდაში.

ჯერჯერობით უცნობია, დაკავებები უკავშირდება თუ არა სტამბოლში მომხდარ ორმაგ აფეთქებას, რომლის შედეგადაც 44 ადამიანი დაიღუპა.

ორი ძლიერი აფეთქება სტამბოლში, ბეშიქთაშის უბანში, Vodafone Arena-სთან 10 დეკემბერს, ადგილობრივი დროით 23:00 საათზე მოხდა.

ქვეყნის შინაგან საქმეთა სამინისტროს ცნობით, ჯერ სპეცრაზმის ავტობუსთან დანაღმული ავტომობილი აფეთქდა, ხოლო შემდეგ იქვე მდებარე მაჩხის პარკთან თვითმკვლელმა ტერორისტმა აიფეთქა თავი.

სტამბოლის ცენტრში მომხდარ აფეთქებებზე პასუხისმგებლობა ქურთების დაჯგუფება „ქურთისტანის თავისუფლების ქორებმა“ აიღო.

ამის შესახებ დაჯგუფების წარმომადგენლებმა სოციალურ ქსელში გაავრცელეს ინფორმაციაა.



წყარო:BBC