მამუკა გორგოძის მორიგი ლელო „ტულონის" შემადგენლობაში. #სპორტი

საქართველოს ნაკრების კაპიტანმა, ჩემპიონთა თასის ჯგუფური ეტაპის შეხვედრაში, უელსური „სკარლეტსის" წინააღმდეგ, მეოთხე წუთზე აიღო მეტოქის ჩათვლის მოედანი და საკუთარი გუნდის წარმატებას საფუძველი ჩაუყარა.

აღნიშნულ დაპირისპირებაში, „ტულონის" რიგებში 67-ე წუთიდან ითამაშა, საქართველოს ნაკრების კიდევ ერთმა მორაგბემ, ლევან ჩილაჩავამ

საბოლოოდ, ფრანგულმა კლუბმა, მატჩი 31:20 მოიგო და მესამე ჯგუფში, მეორე ადგილზე გადაინაცვლა.

„ტულონი" მორიგ შეხვედრას ჩემპიონთა თასზე, 18 დეკემბერს ისევ „სკარლეტსის" წინააღმდეგ, ამჯერად უელსში გამართავს.