7 ნოემბრის აქციის დარბევისა და ტელეკომპანია „იმედის" საქმის არსებითი განხილვა პროკურატურის მოწმეების დაკითხვით გაგრძელდა.

სასამართლო პროცესზე აქციის დროს დაშავებულ მოქალაქეებს მოუსმინეს. დაიკითხა სახალხო დამცველის აპარატის ყოფილი თანამშრომელიც, რომელმაც სასამართლოს ინფორმაცია ვასილ მაღლაფერიძის წერილთან დაკავშირებით მიაწოდა. საუბარია მცხეთა-მთიანეთის ყოფილი გუბერნატორის იმ წერილზე, სადაც 4 ნოემბერს, შსს-ყოფილი მინისტრის ვანო მერაბიშვილის მიერ ჩატარებული თათბირია აღწერილი.

სასამართლომ სულ ხუთი მოწმე დაკითხა. მომდევნო პროცესი იანვარში გაიმართება.