სახალხო დამცველი მზადყოფნას გამოთქვამს, იმუშაოს საკონსტიტუციო კომისიაში. უჩა ნანუაშვილი ამბობს, რომ მას რამდენიმე კონკრეტული ინიციატივაც აქვს, რომელიც უზენაეს კანონში მართლმსაჯულების მიმართულებით ცვლილებების განხორციელებას ითვალისწინებს.

საკონსტიტუციო კომისიაში აქტიურად ჩართვას გეგმავენ არასამთავრობო ორგანიზაციები. "სამართლიანი არჩევნები" პრიორიტეტულ საკითხებზე საუბრობს. მიხეილ ბენიძის განცხადებით, საარჩევნო კოდექსის დახვეწა უახლოეს მომავალში უნდა მოხდეს და ამაზე მუშაობა კომისიამ აქტიურად უნდა დაიწყოს.