კახა კალაძე „გაზპრომ-ექსპორტისა“ და კომპანია „ინტერ-რაოს“ ხელმძღვანელებს შეხვდება. აუდიენცია დღეს და ხვალ სამუშაო ვიზიტის ფარგლებშია დაგეგმილი.

აღნიშნულ ინფორმაციას ენერგეტიკის სამინისტრო ავრცელებს. კახა კალაძე კომპანია „გაზპრომ-ექსპორტის“ წარმომადგენლებს ქალაქ ვენაში დღეს, ხოლო კომპანია „ინტერ-რაოს“ ხელმძღვანელობას ქალაქ მინსკში ხვალ შეხვდება.

ენერგეტიკის სამინისტროს განმარტებით, კომპანია „გაზპრომ-ექსპორტთან“ მორიგი სამუშაო შეხვედრა არსებული ხელშეკრულებისა და ყოველწლიური მოლაპარაკებების ფარგლებში შედგება.