გრიპის ვირუსის გამო, ჯანდაცვის სამინისტრო მუშაობის სპეციალურ რეჟიმზე გადადის. გამოძახების შემთხვევაში, ინფიცირებულ მოქალაქეებს სასწრაფო დახმარების სამსახურის ნაცვლად, სპეციალური სადისპეტჩერო და ოჯახის ექიმები მოემსახურებიან.

კლინიკებში პაციენტების ნაკადი გაზრდილია, თუმცა ოფიციალური უწყებები ამ ეტაპზე ეპიდემიას არ ვარაუდობენ.

ბოლო მონაცემებით, 100 000 ადამიანზე ვირუსის 254 შემთხვევა ფიქსირდება. პრევენციის მიზნით, ექიმები მოსახლეობას გარკვეულ რეკომენდაციებს აძლევენ.