ლარი ორი და 70-იან ნიშნულს უახლოვდება. ბოლო ერთ დღეში ეროვნული ვალუტა თითქმის ხუთი თეთრით გაუფასურდა. სავალუტო ჯიხურებში ერთი დოლარის ფასი 2 ლარსა და 68 თეთრამდე აღწევს. კურსი დაეცა ევროსთან მიმართებაშიც. ევროს ღირებულება უკვე ორ და ოთხმოციან მაჩვენებელს ასცდა.
ხვალ გახდება ცნობილი, გაეზრდებათ თუ არა კურსის მკვეთრი ვარდნის გამო საპროცენტო განაკვეთი იმ მოქალაქეებს, რომელთა სესხები რეფინანსირების განაკვეთზეა მიბმული.
მმართველი გუნდი ლარის ყოველდღიურად გაუფასურებას დოლარის გამყარების ტენდენციით და მეზობელ ქვეყნებში, კერძოდ, თურქეთის სავალუტო ბაზარზე არსებული ვითარებით ხსნის.
თუმცა გარე ფაქტორებს გამორიცხავს ოპოზიციის და ეკონომისტების ნაწილი, რომელიც დევალვაციაზე მთელ პასუხისმგებლობას მთავრობის ეკონომიკურ გუნდს აკისრებს.