"ცენტრ-პოინტის" საქმის ერთ-ერთი ფიგურანტი თავისუფალია. ბათუმში მდებარე საცხოვრებელ კომპლექს ,,მაგნოლიას” ეპიზოდზე დაკავებულმა ირაკლი მინდელმა საპატიმრო დაწესებულება დატოვა.

,,ცენტრ-პოინტ აჭარის” ყოფილი დირექტორი პასუხისმგებლობის ნაწილში ბრალს აღიარებს, თუმცა თანხების გაფლანგვას ისევ უარყოფს.

განსხვავებული პოზიცია აქვს პროკურატურას, რომლის განმარტებით, მინდელი სწორედ აღიარებითი და რჩეულიშვილების საწინააღმდეგო ჩვენების შემდეგ გათავისუფლდა.

,,მაგნოლიას” ეპიზოდზე ისევ პატიმრობაში რჩებიან დედა-შვილი მაია და გურამ რჩეულიშვილები. მაია რჩეულიშვილი დღეს საავადმყოფოში გადაიყვანეს.