აღმოსავლეთ ალეპოში საბრძოლო მოქმედებები შეწყდა და სამთავრობო ძალებმა ქალაქზე კონტროლი აღადგინეს, – ინფორმაციას ამის შესახებ გაერო-ში რუსეთის მუდმივი წარმომადგენელი ავრცელებს.
ვიტალი ჩურკინის განცხადებით, ამბოხებულ მებრძოლებთან შეთანხმება მიღწეულია, რომლის მიხედვით აღმოსავლეთ რაიონებს დატოვებენ.
ბოლო მონაცემებით, ალეპოს აღმოსავლეთ რაიონებში სროლისა და დაბომბვების ხმა აღარ ისმის. სირიის პრეზიდენტმა ტელეკომპანია „რაშა თუდეისთვის" მიცემულ ინტერვიუში აღნიშნა, რომ დასავლეთის ლიდერები მშვიდობიან მოქალაქეებთან შედარებით ტერორისტების გადარჩენაზე უფრო მეტს ზრუნავენ.
ბაშარ ალ-ასადის განცხადებით, ე.წ. ისლამური სახელმწიფოს მებრძოლების მიერ, ქალაქ პალმირაზე თავდასხმის გამო, დასავლეთს არაჯანსაღი რეაქცია ჰქონდა.