• ეროვნულმა ვალუტამ გაუფასურების რეკორდი მოხსნა.
• ლარის გაუფასურების მიზეზებსა და გამოსავლის გზებზე ექსპერტები საკუტარ მოსაზრებებს გამოთქვამენ.
• პარლამენტი 2017 წლის ბიუჯეტის პროექტის საბოლოო ვარიანტს დღეს განიხილავს.
• იურიდიულ საკითხთა კომიტეტმა სახელმწიფო საკონსტიტუციო კომისიის შექმნის პროექტს მხარი დაუჭირა. კომისიის მუშაობის ფორმატი უცვლელი რჩება და ის პრეზიდენტის ადმინისტრაციის წარმომადგენლების მონაწილეობას ითვალისწინებს.
• "ეროვნული ბანკის შესახებ კანონში" შესატან ცვლილებებს დეპუტატები დღევანდელ პლენარულ სხდომაზე პირველი მოსმენით განიხილავენ.
• გახდება თუ არა ცილისწამება დასჯადი სისხლის სამართლის საპროცესო კოდექსის მიხედვით.
• ევროპის საბჭო და ევროპარლამენტი შეთანხმდნენ, რომ საქართველომ ევროპასთან უვიზო რეჟიმი უნდა მიიღოს.
• დროებითი შეჩერების მექანიზმზე ევროპარლამენტში დებატები დღეს, ხოლო საკითხზე კენჭისყრა ხვალ გაიმართება.
• ფინალური ეტაპი ვიზალიბერალიზაციის გზაზე - სტრასბურგში საქართველოსათვის უვიზო რეჟიმის დაწესების საკითხზე სამმხრივი მოლაპარაკებები გუშინ გაიმართა. ევროკავშირში საქართველოს მისიის ხელმძღვანელი ნატალია საბანაძე შეხვედრას პოზიტიურად აფასებს.
• საქართველოს საგარეო საქმეთა სამინისტრო ევროკავშირთან სავიზო რეჟიმის ლიბერალიზაციის პროცედურებს განმარტავს.
• ჟენევაში მოლაპარაკებების რიგით 38-ე რაუნდი გრძელდება.
• ვაკეში "საქართველოს ბანკის" ფილიალი დააყაჩაღეს. შემთხვევა ბაზალეთის 8 ნომერში მოხდა. ადგილზე ექსპერტ-კრიმინალისტები იმყოფებოდნენ.
• საგარეო საქმეთა სამინისტროს ყოფილი თანამშრომელი უკვე სამი დღეა მთავრობის კანცელარიასთან პროტესტს გამოთქვამს.
• ღვალაძეების 10 სულიანი ოჯახი მე-4 დღეა მთავრობის ადმინისტრაციასთან სოციალურ მდგომარეობას აპროტესტებს.
• გრიპის ვირუსის გამო, ჯანდაცვის სამინისტრო მუშაობის სპეციალურ რეჟიმზე გადადის.
• არასამთავრობო ორგანიზაცია “აიდიეფაი” 2016 წლის დანაშაულის სტატისტიკაზე და მის ხელმისაწვდომობაზე კვლევას აქვეყნებს.
• აღმოსავლეთ ალეპოში საბრძოლო მოქმედებები შეწყდა და სამთავრობო ძალებმა ქალაქზე კონტროლი აღადგინეს – ინფორმაციას ამის შესახებ გაეროში რუსეთის მუდმივი წარმომადგენელი ავრცელებს.
• სირიაში პარიზის ტერაქტების ორგანიზატორების ლიკვიდაცია განხორციელდა - ინფორმაციას აშშ-ის თავდაცვის უწყება ავრცელებს.
• ბრაზილიაში საპროტესტო გამოსვლები პოლიციასთან შეტაკებაში გადაიზარდა.
• იემენში სამოქალაქო მსხვერპლის ზრდის გამო, აშშ საუდის არაბეთს სამხედრო დახმარებას შეუმცირებს.
• აშშ-ის საზღვაო ქვეითების კუთვნილმა კონვერტოპლანმა იაპონიის სანაპიროსთან კატასტროფა განიცადა. იაპონური მედიის ცნობით, საფრენი აპარატი ოკინავას სამხრეთ პრეფექტურის სანაპიროსთან წყალში ჩავარდა.
• ქაიროში კოპტური ეკლესიის აფეთქებაზე პასუხისმგებლობა საერთაშორისო ტერორისტულმა ორგანიზაცია ე.წ. “ისლამურმა სახელმწიფომ” აიღო.
• გარემოსა და ბუნებრივი რესურსების დაცვის მინისტრი გიგლა აგულაშვილი საქართველოში იტალიის ელჩს - ანტონიო ენრიკო ბარტოლის შეხვდა.
• რეგიონული განვითარების და ინფრასტრუქტურის მინისტრი გერმანიის რეკონსტრუქციისა და განვითარების ბანკის კავკასიის რეგიონული ბიუროს წარმომადგენლებს შეხვდა.
• კამპანია "ნუ მოჭრი-მორთე" გრძელდება. კამპანიის ინიციატორი გარემოს დაცვის სამინისტროა და ის მიზნად ნაძვის ხის მოჭრის პრევენციას ისახავს.
• ძიუდოს მწვრთნელებს საერთაშორისო აკადემიის სერთიფიკატები გადაეცათ.
• მწერალთა სახლში ჯანა ამირეჯიბის მიერ თარგმნილი წიგნის "ცისფერთვალება მეფის" პრეზენტაცია გაიმართა.