„ნაციონალური მოძრაობის" მენეჯმენტმა კადრების შემცირება დაიწყო. ინფორმაცია „ფეისბუქის" საშუალებით ჩიორა თაქთაქიშვილმა გაავრცელა.

მისი ცნობით, უხელფასოდ დარჩნენ ის ადამიანები, ვინც ღიად გამოთქვამდა პოზიციას და მხარს უჭერდა 7 000 დელეგატიანი ყრილობის ჩატარებას.

გათავისუფლებულებს შორის მოხვდნენ - „თავისუფალი ზონის" დამფუძნებელი კობა ხაბაზი, იურისტი გოგა ონიანი და პარტიის სხვა ცნობილი სახეები.

გათავისუფლებულებს გადაწყვეტილება სერგო რატიანმა გააცნო. „ეს ადამიანები ღიად გამოთქვამდნენ პოზიციას და მხარს უჭერდნენ დიდი, 7000-დელეგატიანი ყრილობის ჩატარებას. დღეს, ისინი შემცირებაში მოაყოლა "შიდა დემოკრატიის" სახელით მოქმედმა ენმ-ს მმართველმა გუნდმა".

დარწმუნებული ვარ, რომ თითოეული მათგანი უხელფასოდაც ყველაფერს გააკეთებს ივანიშვილის რეჟიმის დასამარცხებლად, მაგრამ სირცხვილია!“, - წერს ჩიორა თაქთაქიშვილი „ფეისბუქის" საკუთარ გვერდზე.