დღეს, დილით, ნაციონალურ საკალათბურთო ასოციაციაში მორიგი ტურის შეხვედრები გაიმართა.

„ეი-თი-ენდ-თი" ცენტრში, „სან ანტონიო სფერსმა", „ბოსტონს სელტიქსი" მიიღო.

ამ მატჩში, დანაკლისი ორივე გუნდს ჰქონდა. მასპინძლებს ლამარკუს ოლდრიჯი ვერ დაეხმარა, ხოლო ბოსტონელებმა, გუნდის ლიდერის, აიზია ტომასის გარეშე ითამაშეს.

„სფერსი" მთელი შეხვედრის განმავლობაში ლიდერობდა, თუმცა „სელტიქსი", მეტოქეს შორს არ უშვებდა. საბოლოოდ, გრეგ პოპოვიჩის გუნდმა მაინც მოახერხა გამარჯვება.

თამაშის საფინალო ანგარიშია 108:101. ტექსასურ გუნდში საუკეთესო კავაი ლეონარდი იყო, 26 ქულით. ორმაგი დუბლი შეასრულა, პო გასოლმა, ესპანელმა 17 ქულა და 13 მოხსნა გააკეთა.

„სან ანტონიო" დასავლეთ კონფერენციაში კვლავ მეორე ადგილზეა და ორი წაგებით ჩამორჩება, ლიდერ, „გოლდენ სტეიტ ოურიორზს".