მადრიდის „რეალი", მსოფლიოს საკლუბო ჩემპიონატის ფინალში ითამაშებს. სამეფო კლუბმა, იაპონიაში მიმდინარე ტურნირზე, დღეს, ნახევარფინალში, „მექსიკური ამერიკა", 2:0 დაამარცხა.

ანგარიში, პირველი ტაიმის კომპენსირებულ დროში, კარიმ ბენზემამ გახსნა. ხოლო თამაშის მეოთხე დამატებულ წუთზე, თავი კრიშტიანო რონალდომაც გამოიჩიინა და მატჩის საბოლოო შედეგიც დააფიქსირა.

ზიდანის გუნდი, გადამწყვეტ შეხვედრაში, იაპონურ „კაშიმა ანტლერსს" დაუპირისპირდება, რომელმაც ნახევარფინალში, კოლუმბიური „ატლეტიკო ნასიონალი" დიდი ანგარიშით 3:0 დაამარცხა.

ფინალური მატჩი კვირას გაიმართება და მის პირდაპირ ტელერეპორტაჟს საზოგადოებრივი მაუწყებლის პირველი არხი შემოგთავაზებთ.