„პატრიოტთა ალიანსი" ეუთო-ს და ევროპის ასამბლეის დელეგაციებში ჩართვას მოითხოვს.

როგორც პარტიის ლიდერმა ირმა ინაშვილმა განაცხადა, პარლამენტში შემავალი სამივე პარტია სრულფასოვნად უნდა იღებდეს საერთაშორისო კომისიებში მონაწილეობას, თუმცა მისი თქმით,„ საქართველოს პატრიოტები" ეუთო-სა და ევროპის ასამბლეის დელეგაციებში არ არიან წარმოდგენილები.

„პატრიოტთა ალიანსის" მოთხოვნას, პარლამენტის საპროცედურო საკითხთა კომიტეტის თავმჯდომარე გამოეხმაურა. გიორგი კახიანის თქმით, ყველა საერთაშორისო დელეგაციაში შეუძლებელია „პატრიოტთა ალიანსი" იყოს ჩართული, რადგან მთავარ და სათადარიგო შემადგენლობაში პარტიას ორ-ორი კვოტა გააჩნია.