სოხუმში ე.წ. აფხაზეთის რესპუბლიკის პრეზიდენტის, რაულ ხაჯიმბას გადადგომის მოთხოვნით, საპროტესტო აქცია მიმდინარეობს.
ოპოზიციური ბლოკის თანათავმჯდომარე ასლან ბჟანიამ მიტინგზე სიტყვით გამოსვლისას განაცხადა, რომ ვიდრე რაულ ხაჯიმბა ე.წ. პრეზიდენტის პოსტს არ დატოვებს, საპროტესტო აქცია უნდა გაგრძლედეს.
ბჟანიას აზრით, ხაჯიმბა მოვალეობებს ვერ ასრულებს და ამის შესაძლებლობა სხვა ადამიანებს უნდა მისცეს.
საპროტესტო აქციის ორგანიზატორები ამბობენ, რომ პროტესტი მშვიდობიანი იქნება. სოხუმში ოპოზიციის აქციის პარალელურად, ე.წ. პრეზიდენტის მხარდამჭერებიც არიან შეკრებილი.
სოხუმის ე.წ. მერიას აქციების ჩატარების სანქცია არ გაუცია. მიზეზად კი შესაძლო ინციდენტების პრევენცია სახელდება. ე.წ. არასანქცირებულ მიტინგებთან დაკავშირებით, აფხაზეთის ე.წ. მთავრობის შენობას ე.წ. პოლიცია იცავს.