რუსეთი და იაპონია სამხრეთ კურილიის კუნძულებზე ერთობლივ ეკონომიკურ აქტივობაზე შეთანხმდნენ. აღნიშნულ გადაწყვეტილებას რუსეთის პრეზიდენტის და იაპონიის პრემიერმინისტრის შეხვედრაზე მიაღწიეს.
რუსეთის დელეგაციის იაპონიაში ვიზიტის ფარგლებში, ორ ქვეყანას შორის რამდენიმე ათეული ხელშეკრულება რვა ძირითად სფეროში დაიდო. მათ შორის ეკონომიკის, ენერგეტიკის, საგანმანათლებლო და ჰუმანიტარული მიმართულებით.
შეხვედრის შემდეგ გამართულ პრესკონფერენციაზე იაპონიის მთავრობის ხელმძღვანელმა აღნიშნა, რომ ორივე ქვეყანა ნდობის გაძლიერებისთვის იმუშავებს.
თავის მხრივ, რუსეთის პრეზიდენტმა განაცხადა, რომ კურილიის კუნძულებზე ერთობლივი ეკონომიკური აქტივობა სამშვიდო შეთანხმების წინაპირობაა.
რუსეთი და იაპონია 1 მილიარდი დოლარის ოდენობის საინვესტიციო ფონდის დაფუძნებაზეც შეთანხმდნენ.