"ექსპო ჯორჯია" რიგით მეათე დასაქმების ფორუმს მასპინძლობს. ღონისძიებაზე 40 მსხვილი და საშუალო დამსაქმებელია წარმოდგენილი.

კომპანიები სამსახურის მაძიებლებს სხვადასხვა სახის ვაკანსიებს სთავაზობენ, მათ შორის - საბანკო საქმიანობა, ფარმაცევტული, სამედიცინო და სადაზღვევო.

ფორუმში მონაწილეობის მისაღებად 1200-ზე მეტი პირი დარეგისტრირდა. მათ შორის არიან პირები, რომლებიც სახელმწიფოს დახმარებით სხვადასხვა პროფესიაში გადამზადდა ან ახალი პროფესია აითვისა.

წელს ამ პროგრამებით 2000 ადამიანი მომზადდა,მათ შორის 22 შეზღუდული შესაძლებლობების მქონე პირია. ფორუმში მონაწილეობის შესაძლებლობა აქვს ნებისმიერ სამუშაოს მაძიებელს.