პოლიტიკური პროგრამების ანალიტიკური გაშუქების ნაკლებობა, პოლარიზების ტენდენციები, მედიის გარკვეულ სეგმენტებში სიძულვილის ენის შემთხვევები არჩევნების გაშუქებისას - ეს ის მიმართულებებია, რომლებზეც ევროკავშირისა და გაეროს განვითარების პროგრამამ საარჩევნო მედიამონიტორინგის შედეგებში ყურადღება გაამახვილა.

აღნიშნულია, რომ 2016 წლის საპარლამენტო არჩევნების გაშუქება უმეტესწილად დაბალანსებული იყო.

ანგარიშში წარმოდგენილია სატელევიზიო არხების, რადიოს, ბეჭდური და ონლაინ მედიის მონიტორინგი.

ანგარიშის პრეზენტაციაზე ევროკავშირის ელჩი საქართველოში იანოშ ჰერმანი, ნილ სკოტი და არასამთავრობო ორგანიზაციების წარმომადგენლები ესწრებოდნენ.