"პატრიოტთა ალიანსი" საპარლამენტო საქმიანობას ბოიკოტს არ გამოუცხადებს. შეთანხმება მიღწეულია.

საპარლამენტო უმრავლესობა დათმობაზე წავიდა და ინაშვილის გუნდს ევროსაბჭოს მუდმივმოქმედ დელეგაციაში ერთი ადგილი შესთავაზა. კონსულტაციები ახლა ეუთოს დელეგაციაში ჩართვასთან დაკავშირებით გრძელდება.

ოპოზიციის მოთხოვნას საპარლამენტო უმრავლესობამ თავდაპირველად უარით უპასუხა და განმარტა, რომ მთავარ და სათადარიგო შემადგენლობაში მყოფ პარტიას ორ-ორი კვოტა აქვს, რის გამოც ყველა საერთაშორისო დელეგაციაში ჩართვა შეუძლებელია.

უარის პასუხად კი "პატრიოტებმა" მმართველ ძალას ულტიმატუმი წაუყენეს და განაცხადეს, რომ მოთხოვნის დაუკმაყოფილებლობის შემთხვევაში, საპარლამენტო მუშაობას შეწყვეტდნენ.