პირველად საქართველოში, სამთო-საფეხმავლო მარშრუტების ქსელის მონიშვნის ქართული სტანდარტი შემუშავდა. ქვეყანაში ყველა სამთო-საფეხმავლო მარშრუტის გეგმარება და მარკირება სტანდარტით განსაზღვრული წესების მიხედვით მოხდება.

სტანდარტის მიხედვით, უკვე მარკირებულია ზემო სვანეთში და ზემო სვანეთის სამეგრელოსთან დამაკავშირებელი ბილიკები. ამ ეტაპისთვის მზად არის 156 მარშრუტის პროექტი, რომელიც ექვს რეგიონს მოიცავს. 2017 წელს მას კიდევ 2 რეგიონი დაემატება. პროექტზე სახელმწიფო და კერძო სექტორის წარმომადგენლებმა იმუშავეს.