დღეს საკუთრებაში საცხოვრებელი ბინა კიდევ 400-მა დევნილმა ოჯახმა მიიღო. 200 ბინა თბილისის ზღვაზე ე.წ. ოლიმპიურ სოფელში, 200 კი დადიანის ქუჩაზე მდებარე მენაშენეებისგან გამოსყიდულ ახლად აშენებულ კორპუსში მდებარეობს.

250-მდე ერთოთახიანი, 79 ოროთახიანი და 73 სამოთახიანი ბინა დევნილ ოჯახებზე კენჭისყრის პრინციპით განაწილდა.

საცხოვრებელი ფართები მიიღეს როგორც ოკუპირებული აფხაზეთიდან, ისე ოკუპირებული ე.წ. სამხრეთ ოსეთიდან იძულებით გადაადგილებულმა პირებმა. 4 წლის განმავლობაში სულ 1800-ზე მეტმა ოჯახმა მიიღო საცხოვრებელი ფართი.